Бебешката и детската кожа имаат помалку ефикасна бариера – таа е многу понежна и ранлива и бара посебна грижа и заштита.

Кожата е најголемиот орган на телото и се состои од три главни слоја: епидермисот, дермисот и поткожното масно ткиво. Епидермисот е поделен на основен слој, сквамозен слој, стратум гранулосум, стратум лицидум и стратум корнеум.  Стратум корнеум е најоддалечениот слој и делува како заштитна бариера против дехидрација, микроорганизми, хемикалии и алергени. Стратум корнумот и неговата бариера (заштитна) функција е важна за бебињата, особено за новороденчињата, вклучително и предвремено родени бебиња.

Кожата на доенчиња и мали бебиња е уникатна во споредба со онаа на постарите деца и возрасните според структурата, составот и функцијата. Епидермисот кај доенчиња е 20% потенок, а слојот на корнумот 30% потенок, што ја зголемува пропустливоста и сувоста и можноста за иритација и алергиски реакции. Кожата кај бебињата, за разлика од возрасните, има зголемена пролиферација, што ја одредува конструкцијата на функцијата на бариерата, структурата и густината во првата година од животот.

Бебешката кожа е помалку приврзана од зрелата и има поголема склоност кон зголемена трансепидермална загуба на вода, намалена хидратација на површинскиот слој и помалку ефикасна функција на бариерата. Иако непосредно по раѓањето, површинскиот слој изгледа сосема совршено, за неговиот развој и рафинирање е потребно време. Само начинот на складирање и транспортирање на водата е слично како кај возрасните по првата година од животот.

Од раѓање, функцијата на бариерата и својствата на површинскиот слој за процесирање на водата постојано се оптимизираат и се верува дека својствата што ја прават детската кожа уникатна се зачувани најмалку во првите 12 месеци од животот.